ಭಾರತದಲ್ಲಿ ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ನೀಡಲಾಗುವ ಪ್ರಮುಖ ಪ್ರಶಸ್ತಿಗಳು

ಇನ್ಫೋಸಿಸ್ ಪ್ರಶಸ್ತಿ

ಪ್ರಶಸ್ತಿ ನೀಡುವವರು: ಇನ್ಫೋಸಿಸ್ ಸೈನ್ಸ್ ಫೌಂಡೇಶನ್ (ಸ್ಥಾಪನೆ: 1981), ಕೇಂದ್ರ ಕಚೇರಿ: ಬೆಂಗಳೂರು.

ಪ್ರಶಸ್ತಿ ಮೊದಲ ಬಾರಿಗೆ ನೀಡಿದ್ದು: 2008 (ಮೊದಲ ಬಾರಿಗೆ ಗಣಿತಶಾಸ್ತ್ರ ವಿಭಾಗಕ್ಕೆ ಮಾತ್ರ - ಪ್ರೊ|| ಮಣೀಂದ್ರ ಅಗರ್ವಾಲ್) 2009 ರಿಂದ ಪ್ರಶಸ್ತಿ (5 ವಿಭಾಗಗಳು) ನೀಡಿಕೆ.

ಪ್ರಶಸ್ತಿ ನೀಡುವ ವಿಭಾಗಗಳು: 2012ರ ನಂತರ 6 ವಿಭಾಗಗಳು

1. ಗಣಿತ ವಿಜ್ಞಾನ
2. ಸಾಮಾಜಿಕ ವಿಜ್ಞಾನ
3. ಜೀವ ವಿಜ್ಞಾನ
4. ಇಂಜಿನಿಯರಿಂಗ್ ಮತ್ತು ಕಂಪ್ಯೂಟರ್ಸೈನ್ಸ್
5. ಭೌತವಿಜ್ಞಾನ
6. ಮಾನವಿಕ ವಿಭಾಗ (ಕೊನೆಯದಾಗಿ ಸೇರ್ಪಡೆ)

ಪ್ರಶಸ್ತಿಗೆ ಅರ್ಹತೆ: ಸಂಶೋಧನೆಗೆ ಹೆಚ್ಚು ಉತ್ತೇಜನ ನೀಡುವ ಉದ್ದೇಶದಿಂದ 50 ವರ್ಷಕ್ಕಿಂತ ಒಳಗಿನವರನ್ನು ಪರಿಗಣಿಸಲಾಗುತ್ತದೆ.

ಪ್ರಶಸ್ತಿ ಮೊತ್ತ: ಕಳೆದ ವರ್ಷ ತಲಾ 65 ಲಕ್ಷ ರೂ. ನಗದು ಬಹುಮಾನ ನೀಡಲಾಗಿತ್ತು. ಈ ವರ್ಷ ಡಾಲರ್ ಎದುರು ಮೌಲ್ಯ ಹೆಚ್ಚಾಗಿರುವ ಕಾರಣ 72 ಲಕ್ಷ ರೂ. ನೀಡಲಾಗುತ್ತಿದೆ.

ಶಾಂತಿ ಸ್ವರೂಪ್ ಭಟ್ನಾಗರ್ ಪ್ರಶಸ್ತಿ

ನೀಡುವವರು: “ವೈಜ್ಞಾನಿಕ & ಕೈಗಾರಿಕಾ ಸಂಶೋಧನಾ ಮಂಡಳಿ” (CSIR)

ಮೊದಲು ನೀಡಿಕೆ: 1958 (ಕೆ.ಎಸ್. ಕೃಷ್ಣನ್)

ಪ್ರಶಸ್ತಿಗೆ ಅರ್ಹತೆ: ಭಾರತೀಯ ನಾಗರೀಕತ್ವವನ್ನು ಹೊಂದಿರುವ 45 ವರ್ಷದೊಳಗಿನ ವಿಜ್ಞಾನಿಗಳು ವಿಜ್ಞಾನ & ತಂತ್ರಜ್ಞಾನ ಕ್ಷೇತ್ರದಲ್ಲಿ ಸಂಶೋಧನಾ ಸೇವೆ.

ಪ್ರಶಸ್ತಿ ಮೊತ್ತ: ಪ್ರಶಸ್ತಿ ಪತ್ರ, ಪ್ರಶಸ್ತಿ ಫಲಕ, 5 ಲಕ್ಷ ರೂ ನಗದು & ಜತೆಗೆ ಪ್ರಶಸ್ತಿ ಪುರಸ್ಕೃತರು ತಮ್ಮ 65 ವರ್ಷ ವಯಸ್ಸಿನವರೆಗೂ ಪ್ರತಿ ತಿಂಗಳು 15 ಸಾವಿರ ರೂಪಾಯಿ ಹಣ.

ಈ ಪ್ರಶಸ್ತಿ ಪ್ರದಾನ: ನವದೆಹಲಿಯ ವಿಜ್ಞಾನ ಭವನ

ಪ್ರಶಸ್ತಿ ನೀಡುವ ವಿಭಾಗಗಳು (7):

1. ಜೀವ ವಿಜ್ಞಾನ,
2. ರಸಾಯನ ವಿಜ್ಞಾನ,
3. ಭೂಮಿ, ವಾಯುಮಂಡಲ, ಸಾಗರ, ಗ್ರಹಗಳ ವಿಜ್ಞಾನ,
4. ಎಂಜಿನಿಯರಿಂಗ್ ವಿಭಾಗ,
5. ಗಣಿತ ವಿಜ್ಞಾನ,
6. ವೈದ್ಯಕೀಯ ವಿಜ್ಞಾನ ಮತ್ತು
7. ಭೌತ ವಿಜ್ಞಾನ.